Spádómur Völvu Vikunnar um Saddam

Ég les tímaritið Vikuna einu sinni á ári. Það er þegar Völvuspáin kemur út. Mér þykir þetta efni ótrúlega fyndið. Völvan bregst ekki þetta árið og spáir fyrir fjölmörgum atburðum á næsta ári. Það er af mörgu að taka nú sem endranær um snilli Völvunnar. Ég hef valið þrjá bestu spádómana hjá Völvunni fyrir árið 2007. Þessir standa uppúr.

"Veðrið verður mjög risjótt...og skiptist á frost, kuldi, rigning og snjókoma..."

"Ég sé fátt annað en veisluhöld hjá þeim Ólafi Ragnari og Dorrit."

"Ég sé ekki að þeir þori að taka Saddam af lífi strax og mér finnst málaferlin gegn honum halda áfram fram á árið."

Myndir af aftöku Saddam teknar með síma

Athugasemdir

[TómasHa, 31.12.2006 kl. 14:56]

Þetta er auðvitað að hluta til rétt hjá henni, það er frekar ólíklegt að þeir taki hann af lífi strax í upphafi árs 2007.  Það er meiri spurnning með málaferlin.

[Gleðipinni (IP-tala skráð) 31.12.2006 kl. 16:26]

ÆÆ leitt að það skuli ekki vera neitt rætt um Brimborg í Völvu vikunar hvort sala á bílum minnki eða eitthvað.Ég hélt að fólk hefði húmor fyrir svona spádómum og læsi það þannig,en Egill sér bara 3 sem hann gat tekið út og gert grín af En samt Gleðilegt ár

[Egill Jóhannsson, 31.12.2006 kl. 17:02]

 

Til: Tómasha Þetta kallast að líta björtum augum á spádóminn.

Til: Gleðipinni

Takk fyrir "sérlega áhugavert" innlegg.

Ég hef lagt áherslu á að spá sjálfur ásamt mínu fólki fyrir um bílasöluna og treysta síður Völvuspá Vikunnar. Við vorum einmitt að fjárfesta í nýrri kristalskúlu og reiknum við með samdrætti á næsta ári í bílasölu. Fer kannski nánar út í spádóminn um bílasöluna á blogginu ef mér gefst tími til.

Mér þykir það dáldið rannsóknarefni og í raun absúrd kómík, jafnvel hugleysi, hvernig menn nenna að útdeila pirring sínum á kommentakerfum undir nafnleynd.

En þegar menn ákveða að gera það þá er mikill kostur að lesa færsluna sem verið er að pirra sig yfir. Auðvitað getur það stundum verið erfitt og sérstaklega ef færslan er löng eins og í þessu tilviki, 10 línur.  Þá er hætta á því að viðkomandi missi einbeitinguna við lesturinn og sé búinn að gleyma því hvað færslan fjallaði um þegar hann kemst loks í það að skrifa kommentið.

Þegar kommentaskriftir hefjast að lokum þá hef ég ráð til Gleðipinna. Muna að vanda sig. Það er bæði stórt V í Vikunnar og það eru líka tvö N, maður hefur bil á eftir punkti í lok setningar, einnig bil á eftir kommu og síðan er gert "grín að" en ekki "grín af."

Að öðru leiti er þetta vel gert hjá þér í ljósi þess að þetta eru heilar 4 línur sem þú skrifar. Gleðilegt ár og takk fyrir það gamla.

[Anna (IP-tala skráð) 31.12.2006 kl. 17:53]

Við óskum þér og fjölskyldunni þinni gleði og farsældar á nýju ári og þökkum <i>ógleymanlegar</i> samverustundir á árinu 2006!

Anna og Ken. 

[Egill Jóhannsson, 31.12.2006 kl. 18:06]

Takk Anna og Ken. Ég óska ykkur og börnunum gleðilegs árs og þakka kærlega fyrir það gamla.

[Stína (IP-tala skráð) 1.1.2007 kl. 01:36]

Ég er hrædd um að gleðipinni verði að finna sér nýtt dulnefni eða hafa með sér aðstoðarmann næst þegar honum dettur það snjallræði í hug að gefa komment

[pirrhringur, 1.1.2007 kl. 23:41]

hahaha þvílík sýn í heimsmálin - þessir völvuspádómar eru ágætir, séð og heyrt völvan spáir því y.d að Magni okkar fyllist af "ofmetnaði" og "drambsemi" á árinu og að hann verði fyrir MIKLUM vonbrigðum í útlöndum og að svo gleymist hann bara! ótrúleg speki í þessum kellum